كان ذلك اليوم شاقا حقا فكان لابد منى الانتهاء من مذاكرة مادة التشريح التى طالما أرقتنى
..
ذهبت إلى المشرحه المكان المفضل لدارسى الطب !
(بنروح غصب عننا والله هئ هئ
ولكن قبل دخولى استوقفتنى زميله لى قائله
ولكن قبل دخولى استوقفتنى زميله لى قائله
" أحسن لك متدخليش لأن المشرحه مليانه دخان "
استغربت جداً من تلك العباره !!
كيف أتى الدخان إلى المشرحه ؟
!
هل أن أحداً أصابته حاله من الاكتئاب من ماده التشريح ففكر بأن ينتقم من المشرحه ويحرقها !! ممكن لمَ لا ؟
!
لم يسعنى الوقت لسؤال زميلتى عن سبب الدخان وفضلت أن أدخل وأستكشف المكان بنفسى
وبمجرد ما خطت قدماى باب المشرحه ذهلت جدا لما رأيت..
فكان مصدر الدخان مجموعه من الشباب زملائى فى الدفعه جالسون على مقاعد المشرحه يمسكون بأيديهم تلك اللفافه البيضاء
العقيمه * السيجاره
خرجت من المشرحه طبعاً وأنا فى شدة حزنى تراودنى كثير من اللأفكار لا أستطيع تجميعها
وبينما أنا كذلك إذ بى أقابل صديقتى العزيزه وأحكى لها الموقف لتبدى استغرابها هى الأخرى وتساعدنى فى إيجاد مبرر أو حل لذلك
،،
ولكن صدمتنى بردها أن والدها يدخن منذ فتره ليست بالقصيره ووالدها طبيب بل وأحيانا يمسك بالسيجاره أثناء كشفه على المرضى !!!
يا إلهــى !! أطباء بسيجاره !! فعلا يا للخساره !!
فأنت أيها الطبيب الرفيق الذى سخرك الله فى تلك الأرض لتعمرها وتعين عباده على استرداد صحتهم واستكمال مسيرتهم فى تلك الحياه تسبب بدخان سيجارتك ضياع صحتك وصحة آخرين
!!
أنت أيها الطبيب المثقف الذى تعلم جيداً مدى خطر تلك السيجاره عليك وعلى غيرك بل وتكتظ العلوم التى تدرسها بمعلومات لا يعرفها غيرك إن قرأها أحد لابتعد عنها فى الحال وبدون تردد ،،
بيدك تهدم كل تلك المعانى النبيله وتنتقل من كونك الطبيب الرحيم إلى الرجل القاسى الذى لا يقدر للصحه أى ثمن وأى معنى !!
وفى ظل تلك المواقف المؤلمه والتى أنتقدها بشده تخرج تلك الحمله الرائعه ( حمله حمايه )
ويمثلها أستاذى الفاضل جزاه الله عنا خيرا أ / عمرو خالد
،،
،،
تنتشر الملصقات على جدران كليتى وفى أيدى زميلاتى وزملائى وتعقد الندوات لتنشر تلك الفكره النبيله فى فكر
الكثيرين عسى أن تلاقى بال هؤلاء الأطباء المدخنين ويقبلوا عليها
حينئذ لن يكون هناك أى خساره بل سيكون مكسباً كبيراً لك أيها الطبيب حين ترضى ربك وتكسب صحتك وصحة أولادك ومرضاك ،
وأنت أيها الشاب الذى لا تزال فى بدايه الطريق هنيئاً لك بمستقبل سعيد حين تقلع عنها ونهضه ستراها بعينيك أنت وزملاؤك إن شاء الله
13 comments:
فعلاً انا مش متخيل طبيب وماسك فى ليده سيجارة والايد التانية بيكتب بيها علاج لمريض صدره تعبان
غريبة اوى اوى
حاجة غبيه جدا ومستفزة كاننا كنا ناقصين الدكاترة يدخنو مش كفايه كل البشر الى بره دول والله انا بحزن اما اشوف شاب ماسك سيجارة
اللهم اهدنا واهد بنا واجعلنا سبب لمن اهتدى
فكرتك التى اعتمدتى عليها جميلة فعلا و الجميل ذلك التطبيق العملى الذى قدمتيه ف النهاية _ حملة حماية _ و أنا شخصيا سأسعى لمعرفة هذه الحمله و ماهيتها _ جميل بالبوست هذا تقديم حل عملى بعد تقديم المشكلة _عكس الكثير ممن يكتفو بتقديم المشكلة و فقط بل و بمنتهى اليأس من حلها _ _ _ فى حوار مع صديق لى طبيب و قد تخرج الأن _كنت أعرض عليه أن ينضم إلينا ف ممارسة رياضة الجرى بصورة منتظمه اعتدناها_ فأذهلنى برده إذ قال لى: لأ _ أنا مش محتاج أخس أو أقلل وزنى_ _ و يكأن الرياضة تمارسها فقط لما تنوى تخس ! أنا ممكن أتقبلها من شخص عادى _ إنما طبيب؟! لأ _ _ ف إذا كان رب البيت بالدف ضاربا _ _ فشيمة أهل البيت الرقص
يا دكتورة دول ماليين الكلية والمستشفى عندنا انتى فاكره اية والدكاترة الكبار كمان
انا ليا واحد زميلى ماكنش بيشرب فجاة السنة اللى فاتت لقيته بييشرب تقريبا لما عرف الاضرار بتاعتها من الدراسة قرر انه ينتحر بعد دراسة 6 سنين طب
تحياتى
السلام عليكم ورحمه الله وبركاته ،،
مرحبا بتعليقاتكم جميعاً ،
raspoutine
ولا أنا متخيله والله لكن يبدو فعلا ان الموضوع طبيعى جدا فى الكليه وأنا لا أدرى
حبيبتى honda
آمين يا رب العالمين ،، اما تغيب القدوه الحسنه تتوقعى ايه اللى هيحصل ؟!!
doctor mohamad
شكرا لردودكم الدائمه ،، بالنسبه للحمله فالتفاصيل الكامله ليها على الصفحه الرئيسيه لموقع الاستاذ عمرو خالد بس للأسف الموعد النهائى المحدد ليها كان يوم 11 إبريل الماضى ،،،
بالنسبه لعرض حل للمشكله فأول ما ايجى فى ذهنى الحمله لأنها كانت فى ذروتها ساعتها لكن أكيد فيه حلول كثيره غيرها ،،
بيت الشعر اللى ذكرته عجبنى جدا فعلا ملائم للفكره ،،
wanna b a physician
أنا شكلى مش عايشه فى الدنيا فعلا،، أنا بعد ما كتبت الموضوع ده كل اللى يقرأه بصراحه يتهمنى بذلك للأسف ،،
ربنا يهديهم ويصلح بالهم جميعا وينور ليهم طريق الخير .. آمين يا رب العالمين
فعلا شئ مستفز جدا يعني ازاي هنقول للناس التدخين مضر وحرام وهو الباشا ماسكلي سجارة حاجة تكسف
كنت بكلم زمايلي اللي بيدخنوا وفي اللي بيستجيب وفي اللي بيعاند
بس اهو الواحد بيعمل اللي عليه
واللي بيقع تخت ايدي من الناس اللي بتدخن بفضل الله بيكون ليا دور انهم يبطلوا تدخين
بالنسبة لموضوع المشرحة تذكري دائما يا اختي حرمتها وحرمة ما بها من اموات افضوا الي ربهم ودائما تذكري الاخرين بذلك
وممكن جدا علي السبورة بتاعت المشرحة تكتبي اي تذكرة للزملاء بخصوص هذا الشأن
اخوكي مصراوي أوي
طبيب بشري
انا قرأت اغلب البوستات اللى كتبتيها ايتها الطبيبه الاديبه
حقا لكى اسلوب الاديب وحقا انتى انسانه رقيقة المشاعر وقد اثر فيا موضوع ذلك الطفل المتسول لكن مابليد حيله فالمجتمع مازال يظلم رغم تقدمه وحضارته ومن المفروض اننا بمرحله يكون الكل فيها لديه مايكفيه لكن الحاجه هى التى تجعل امثال والد ذلك الطفل المتسول بفعل مافعل اتعقليها انه لو لديه مايكفيه كان فعل مافعل
انا قرأت اغلب البوستات اللى كتبتيها ايتها الطبيبه الاديبه
حقا لكى اسلوب الاديب وحقا انتى انسانه رقيقة المشاعر وقد اثر فيا موضوع ذلك الطفل المتسول لكن مابليد حيله فالمجتمع مازال يظلم رغم تقدمه وحضارته ومن المفروض اننا بمرحله يكون الكل فيها لديه مايكفيه لكن الحاجه هى التى تجعل امثال والد ذلك الطفل المتسول بفعل مافعل اتعقليها انه لو لديه مايكفيه كان فعل مافعل
السلام عليكم
بصراحة موضوع عاوز وقفه مننا كلنا
وكمان بصراحة انا مدخن أدخن منذ اكثر من 15 عام حينها كان عمرى 15 عام تقريبا هذه كانت أول مرة أشترى فيها علبة السجاير واحطها فى جيبى .
والآن وبعد مرور 15 عام اتمنى لو أننى ضربت نفسى حينها الف جزمة .
لكن هيهات لا ينفع الندم الآن .
حاولت الإقلاع عنها مرات كثيرة جدا لدرجة أنى قد بكيت لعدم مقدرتى على تركها وقلت فيها اشعاراً كثيرة من ضمنها قصيدة مطلعها .
أه من محرم سرى فى جسدى . أبسجارة فى النار أرتمى
ضقت وضاقت نفسى بنفسى
إرادتى فى هذا الشأن ضعيفة ولا أعلم لى من منقذ غير الله .
وعلى فكره اللى عرفته أن السجائر بالنسبة للناس مش كيف عند كل المدخنين انا ليا اتنين اصدقاء بيدخنوا من زمان شيشة وسجاير كمان وسبحان الله ممكن ياخدوا شهر شهرين اكتر اقل ما يشربوش الشيشا ولا السجاير .
اما انا فلا استطيع ان اتركها من جيبى وفمى .
ماذا يسمى ما يحدث معى ؟
لا أدرى ... لكن قد يكون للسجاير تأثير على بعض الناس أكثر من بعض أو انها تتغلغل داخل أجساد معينة دون غيرها .
ذهبت لأطباء لمحاولة الإقلاع لا لأجل صحتى ولكن لأجل كونها حرام حرمه الله ورسوله وقد أتخذت وعدا مع نفسى أنى لن ابطل السجاير لأجل صحتى ابداً بل لا بد أن ابطلها واقلع عنها لأجل الحرمة حتى أنال الثواب الكبير وحتى تكون حرمة الله لدى أكبر وأعظم وأعلى من صحتى .
لو حد عنده طريقه يقولى عليها
علماً لأنى لا أتعاطى الأدوية نهائياً إلا فى الحالات القصوى جدا جدا فأنا اعالج نفسى بالأعشاب والأدوية التقليدية لأنى صاحب باع طويل فيها والحمد لله على نعمة الصحة وأسألة التوبه والهداية .
أشكرك اختى الكريمة
ورجاء أن تحاولى الإطلاع على مدونتى وإتحافى بتعليقاتك .
أخيكى
الراعى
السلام عليكم..
عجبني جداً..عنوان المدونة (الطبيبة الأديبة)
وبما إنك كذلك..فـ أنا سعيد -كَوْني..كم يُقالُ عنّي- "باكتب شعر" .. فـ أنا سعيد..إني اتكعبلت في المدونة دي :) .. لأن أهل الأدب كلهم واحد..
مش هاطول عليكي..
عجبني موضوع الطبيب والسيجارة..وإن شاء الله أكون من المتواجدين دايماً..
شكراً..سلام
السلام عليكم ،،
مصراوى أوى ،،
شكرا لمروركم وللنصيحه اللى وجهتهالى بس أعتقد أن مثل هؤلاء لا يحضرون سكاشن من أصله حتى يشاهدوا ما هو مكتوب ،، أنا وصديقاتى أثناء الحمله وزعنا عليهم بعض الملصقات لكن حضرتك تعرف السيجاره اما تتمكن من حد مش بيقدر يسيبها من مجرد كلام مكتوب دى عاوزه عزيمه وإارده نابعه من الشخص نفسه
ربنا يهديهم ،،
السلام عليكم ،،
يوسف الشافعى ، محمد فكرى
أشكركم جزيلا والله انا اللى سعيده أكتر بوجودكم هنا على المدونه وسعيده بالكلام الجميل ده وأتمنى أن أكون عند حسن الظن
السلام عليكم abo hares
بجد كلامك أحزننى جدا ومش عارفه أقللك إيه بس اللى أنا سعيده بيه انك فعلا عاوز تقلع عنها وجواك إراده وتصميم عن انك تبطلها ،
وعاوزه أقللك والله الموضع مش صعب خالص أنا خالى كان مدخن وأقلع من فتره وسعيد جدا وبيحمد ربنا انه هداه وباركله فى صحته ،،
الموضوع عاوز صبر واستعانه بالله ادعى ربنا علطول انه يساعدك وإن شاء الله ربنا مش هيتخلى عنك
السلام عليكم
Post a Comment